دمــوع مــؤلــمــه

((الذنوب أوزان))
إن رضيت الذل في حبك ترى قلبي والمشاعر يزعلون
وإن قبلت المهونه منك فترى حالي على نفسي ما يهون
صدق أحبك بس هونك كافي تجاريح وطعون
كافي تهين القلب وتهده أخشى معاليقي يسمعون
أخشاك وأخشى الفراق وأخشى العواذل فيني يفرحون
ماهم بهمي الأكبر ولاهم عندي يقومون ولا يقعدون
بس الشماته موجعه والعواذل يا صاحبي والله ما يرحمون
ويا هنياله منهو يبكيني ولا يترك الناس فيني يضحكون
خليتني حكوه لكل منهم غدو فيني يشمتون
وخليتني سلعه رخيصه هذا وأنا عندك ما أهون
أجل و شلون لوني بهون كان خليتهم في لحمي ينهشون
وخليتني مثل جسر(ن)إن بغوك قلت من فوقها تعبرون
إن حكو فيني بالردا إبتسمت وقلت إيه والله تسلمون
وإن حكو بالزين عني أقفيت و كنك تقول أتهبون
أخطيت في حقك والخطأ وارد وكود زلاتي بينتهون
ويا صاحبي ترى به ناس(ن) يسلمون وناس(ن) بخلافهم يكفرون
والذنوب أوزان وذنوبي معا ذنوبهم والله ما يستون
تراني وإن زعلتو منكم وفيكم وشلون ما رضيتو تغفرون
ودي أعرف لي متى وليه لطيب والرحمه تدعون
ليه أعيشك جرح وأنتا معا غيري حنون
تقول أني قطعتن منك وعقبها ترميني لكلاب(ن) يعتدون
أرضيت العدو فيني وأزعلتني وما يهمك ولو يكذبون
كيف ترضابي وكيف ترضى فيني يشترون ويبيعون
وين الحميه والأجوديه والشهامه وإلا معا غيري يظهرون
يفلان أرخصت لجلك عزتي وبكيت لجاك إعيون
حتى الكرامه أرخصتها وقلت أني معك إلزوم مصيون
بعت ناس(ن) وأشتريتك ولو تامر على روحي تمون
مجنون كاني نهيت الروح عنك وأنا لك مرهون
شمت بي ناس(ن) وعلمتهم كيف الشماته تكون
وكونت لك جيشن وخليتني خصمك وعرفه بليس ملعون
أشعل بك الغيض وأشهر لك سلاحه ومن يشوفك يقول معيون
ترمي سهام(ن) ما هي سهامك وعادي تشوفني مطعون
هونك ترى ماني عدون لك وتراني منك مغبون
أسقيتني وصلك وأضميتني خليتني مابين عاقل ومجنون
العماس إلي عرفته جهلته وللكرى عيوو جفوني يرتخون
وأرخيت لك راسي وقلتلك سمعا" وطاعه ويا سيدي ممنون

** موجة سحاب **